Back to School _ بنات المتوسطه

السلام عليكم

كيفكم واخباركم؟؟

في البدابه حابه اذكركم اني جالسه اخاطب بنات المتوسطه بشكل خاص فطبيعي اتكلم بعفويه عشان يفهمون قصدي^^

الاستعداد للمدرسه او الجامعه شي مهم كان نفسيا او جسديا^^ كثير مدونات اتكلمت عن العوده للمدارس وخاصه بنات الجامعه اتمنى تشوفوها لانها مفيده وجميله ومابي اكرر كلامهم لانه سليم ^^ التدوينه فيها كلام كثير لكن مهم خلك صبوره معي للاخير ^^

حبيت اتكلم عن مرحله معينه في حياتنا وكانت جميله وسيئه بالنسبه ليا وهي مرحله المتوسطه واللي تتضمن التغيرات الجسديه والهرمونيه وفتره المراهقه يعني اضطراب نفسي وجسدي ^^ هالمدونه راح تفيد اكثر بنات المتوسطه فحياكم اليوم ^^

انا من تجربتي وعندي اخت هالعام اول متوسط يااااااي لولولوش ^^ حبيت اكتب هالتدوينه لنهتم بهالمرحله واي بنوته كبيره وعندها اخت بهالمرحله ياريت تنصحها هالنصايح او تشوف مدونتي^^

بشكل عام ياحبوبه صرتي كبيره وهذا شي حلو وطبيعي ,تقبلي التغيرات وحاولي تتحكمي بكلامك وقرارك والاهم شاركي مايحدث لك اختك الكبيره او ماما واذا كنتي انتي الكبيره انا مثل اختك وارحب فيك وباسئلتك وبساعدك اكيد ^^

راح اتكلم عن اهم النقاط مثل الدوره الشهريه والعنايه الجديده لك ونصائح عامه ^^

• طيب حبوبه اول حاجه لازم تدوني متى جتك الدوره ومتى خلصت؟؟ مثلا : بدايه الشهر او بالوسط او اخر الشهر وكم عدد ايام دورتك؟؟ مثلا: 3 او 4 او 6

• اختاري براند (ماركه) الفوط اللي تناسبك وتحبيها انصح بأولويز او فام والاهم تختاري المقاس الصح لان في احجام كبيره ماتناسبك ابدا,واذا تحبين باجنحه او بدون **
• يفضل ارتداء الملابس الغامقه مثل الاسود ايام الدوره.
• ازاله الشعر باستمرار وانصح في سيلك ابل كونها الاقل ألماً ^^
• تغير الفوطه دوريا للمحافظه على نظافه جسمك .
• العنايه التامه بمخلفاتك بوضعها بكيس صغير مخصص لها ثم وضعها بالسله. من العيب ان ترمي مخلفاتك عالارض بلا مباله ,خصوصا بالمولات او الاماكن العامه عيب بجد هم وفروها لراحتنا في السوق وانتي تروحي توسخيها والمشكله كبيره ايش خليتي للاطفال××
• غسل اليدين باستمرار بـ لايف بوي مثلا.
• اخذ فوطه او اثنتين احتياط بشنطتك ومتوفر بالسوق محافظ كيوت لها ^^ مثل هالاشكال وطبعا لاتعتمدين ابدا على المكان اللي بتكوني فيه يعني احيانا بالدوام استخدم الحمام مااحصل سله او حتى مناديل×× فحطي هالاشياء بشنطتك:اكياس صغيره مع كل فوطه ومناديل ^^

طيب نبدأ الان بالعنايه :

 تحتاجي غسول لبشرتك مثل نيتروجينا او كلين اند كلير او اي براند انتي حابه^^ 

استخدميه يوميا في الصباح وعند العوده من المدرسه وقبل النوم ^^

تحتاجي لواقي شمس يتم وضعه قبل كريمك المرطب او ممكن الاكتفاء به فقط 

اختاري بايوديرما او كاستاليا او فيتشي او سيباميد وخذي نسبه spf50 

ايضا تحتاجي مرطب شفايف واكيد انصح باللي يحتوي على واقي شمس مثل: سيباميد او بالمرز 

من الافضل الاستحمام يوميا وخاصه لجسمك اما شعرك يكفي 3 مرات بالاسبوع وانصح بجل شور يقضي عالبكتيريا والاوساخ مثل: لايف بوي او ديتول لان البكتيريا هي اللي تسبب رائحه كريهه للجسم×× افضل الاوقات للاستحمام: قبل الدوام او بعد الدوام^^

تحتاجي وبقوه مزيل عرق شوفي اي واحد تحبيه وابتعدي عن البخاخ×× انصح فيه: فيتشي مممرا جميل 

تحتاجي لغسول لطيف ,نعم تحتاجي لان المنطقه مرا حساسه وانا صراحه كنت اعتقد بس للمتزوجات لكن كنت ع خطأ××

لازم تهتمي بكل جزء في جسمك عشان ماتجيك مشاكل لا اول ولا اخر ×××انصح في سيبا ميد طبي ^^

 طريقه استخدامه:مثل ماتغسلي بشرتك ,بللي المنطقه وحطي بيدك كميه صغيره وبالاخير اشطفيها بالماء ونشفي بمناديل ^^يستخدم مرتين بالاسبوع ^^لان فيه بكتيريا نافعه نحتاجها^^ واذا حابه ترطبي المنطقه استخدمي بيبانثين الازرق^^

اذا تبين بديل او متخوفه من الغسول: غطسي جسمك بحوض ماء وملح ^^

ملاحظه مهمه: انا شخصيه احب الطبي اكثر من التجاري ماعمري نصحت الا وانا سالت دكتور او اثنين وبالفعل سألت دكتور عن غسول سيبا ميد وقال مافيه اي مشكله وحتى لو تستخدمي حق الاطفال ^^ واذا حابه تتاكدي بنفسك اتصلي على خدمه وزاره الصحه رقم : 937 راح يجابون عليك عالطول ويرحبون بأي سؤال ^^

وملاحظه أهم : انا خصيت بالذكر بنات المتوسطه وتحديدا اللي جتها الدوره الشهريه هي اللي تاخذ بهالنصائح لكن اللي ماجتها معليش لا**

واخيرررا مهم جدا نظافه يدك فافضل استخدام مناديل ديتول ولاتنسي كريمك المرطب عندك كريم فازلين او بودي شوب ^^

اتمنى اني تكلمت عن اغلب الاشياء وأهمها بكل عفويه^^

نصيحتي لك عيشي هالسنوات بمتعه وحاولي تسيطري ع نفسيتك قدر الامكان عشان اللي حولك مايزعلون منك واقصد اهلك بالذات

اي نعم بهالفتره تعاني من اكتئاب وحياء و و و مشاكل كثير

حاولي تفهمي نفسك بهالفتره من خلال الكتب وغيره^^

واي سؤال حياك بالاسك anatoliazeta

او بتويتر والانستقرام cc_blogger

 جميع روابط التواصل معي موجوده بتويتر

ولاتنسي الاشتراك بمدونتي في يمين الصفحه

بحفظ الله