السلام عليكم
كيفكم واخباركم؟؟
حابه اتكلم اليوم عن الدبل سيروم من كلارنس _ثنائي المصل من كلارنس
يلااا نبدأ
يناسب جميع انواع البشره فوق عمر 25
ويعالج علامات تقدم العمر واغلب المشاكل
المظهر
الايجابيات:
مظهر الدبل سيروم جذاب جميل والذكاء فيه هو عباره عن علبتين من اسمه الدبل سيروم يعني يحتوي على 2 سيروم
وحده بالامام والثانيه بالخلف ولما تضغطي حيطلع كميه متوازنه بين الاثنين
الالوان حلوه ومتجانسه بين درجات الاحمر والنحاسي
السلبيات:
ماعجبني ابدا لما استخدم اصابعي واضغط يطير السيروم فاضطر استخدم راحه يدي
الكميه:
30 مل
مده الانتهاء:
18 شهر من فتح المنتج
مكوناته:
صرحت شركه كلارنس انهم جمعو 400 مكون بين الاعشاب والفواكه وبالاضافه لمكونات اعدت بالمختبر واختاروا 20 مكون لصنع الدبل سيروم
منها: الكيوي واتوقع جوز الهند ...الخ
النتيجه:
من اليوم الاول حتصلي على التألق وبعد استخدام شهر الخطوط الرفيعه خفت والبشره مرطبه ومتغذيه ومشدوده والمسامات اصغر وغيره
وظائفه:
وهي خمس وظائف اساسيه للسيروم
الترطيب
التغذيه
التزود بالاوكسجين
الحمايه
تجدد الخلايا
طريقه الاستخدام:
يمكنك استخدامه صباحا ومساء او صباح فقط
يوضع على بشره نظيفه وقبل كريمك المرطب صباحا
وقبل المكياج
تجربتي الخاصه:
بعد ماانظف بشرتي زين استخدم الدبل سيروم ومن اول استخدام اتشربت بشرتي المنتج واحس تتنفس وممرا حبيته لان خفيف عالبشره
ومن اول استخدام حسيت بشرتي فيها لمعه وانا محب هالشي لكن يمكن غيري يحبه
وحسيت انها مترطبه ومتغذيه
استخدمه كوكتيل ههههههه
يعني احيانا احطه ليل وصبح واحيانا بس صبح واحيانا بس مساء
اما اذا تبي نتيجه سريعه استخدميه صبح وليل
ولان عمري 21 فاكيد الحمدلله ما اعاني من تجاعيد ف ماقدر احكم عالمنتج بهذا الشي
المنتج يكفي لشهر تقريبا ورائحته لطيفه جداااا وغير مزعجه
وكانت تجربتي معه ناجحه ومرضيه
وعرفت معلومه ان هالمصل كان موجود من 27 عام وقامت كلارنس بتطويره واجراء البحوث عليه**
من سلبياته الواضحه جدا:
تغير السعر وارتفاعه اول مانزل كان ب 52 دولار والان 85 دولار
وطبعا بالسعوديه دبل السعر
انا خذيته اول مانزل من جده بــ 398 ريال والله اعلم دحين بكم؟؟؟
للاسف الغلاء الفاحش يؤثر على المبيعات
حشتريه مره ثانيه ؟؟ ايه وهالمره بتكون هديه ل ماما لان يناسبها اكثر
بحفظ الله
فعلا لطيف اول مره جربته امس لسه في طور التجربه
ردحذفاتمنى يناسبكك ^^ يسعدك ربي
حذفاسعدني وجودكك
انا محتاره بينوو وبين سيروم استي لودر كلهم عليهم مدح ولا قدرت استقر .. وشكراً على موضوعك الجميل .
ردحذف