العناية المنزلية باليدين

السلام عليكم^^

كيفكم واخباركم؟؟

غيرت اسم ورابط المدونه ل COTTON CANDY

اتمنى تعجبكم التغيرات ع المدونه ^^

وايش رايكم بالشعار ؟؟

من فتره وانا متضايقه من اظافري تطول بسرعه وتحتاج لعنايه ××

فحبيت اتعلم كيف اعتني فيها بكل بساطه بعيدااا عن التعقيد

وبالفعل يوم الاربعاء اللي طاف سويتها بالبيت والنتيجه بالفعل مثل الصالون واخواتي خبروني اسوي لهم**

اذا سويتي الخطوات بالترتيب راح توصلي لنتيجه مرضيه^^

ملحوظه: لتكبير الصور اضغطي عليها^^

الخطوه الاولى : تضعين يدك بحوض ماء (دافئ_ساخن) لمده 10 دقائق

اقتراح : اذا مو حابه الماء استخدمي حليب سائل دافي مع عسل وغطسي يدك فيه لمدة 10 دقائق أو ماء دافي مع ليمون واذا يدك بها جرح بلاش ** انا استخدمت الماء فقط ^^

الخطوة الثانية : بعد ماتطلعين يدك نشفيها وعالطول ابدي بتنظيفها بالادوات وهنا اصعب خطوه لانها متعبه ولازم تكوني منتبهه لتجرحي نفسك××

أول حاجه تستخدميها أداه ماعرف شسمها لكن حملت لكم فيديو فيها هالاداه و وظفيتها << انا ماحصلتها بالصيدليه فاستخدمت اللي بداخل مقص الاظافر^^

في الدقيقه 0:28 تزيح لك الجلد عشان يسهل لك ازالته ^^

وبعد كذا تستخدمي مقص الزوائد الجلديه وتكلمت عنه في مشترياتي من الصيدليه <المدونه السابقه

وشلون تستخدميها ؟؟؟ الطريقه بالفيديو عند الدقيقه 0:52

وبعدين تستخدمي مقص الاظافر وبعدها المبرد وهذا يعتمد عليك بشكل اظافرك وطولها ^^

اما استخدام الفرشاه لتنظيف الظفر والادوات لان الجلد يعلق فيها××

الفيديو للاسف مو راضي يتحمل هنا ف راااح احط الفيديو مع رابط المدونه ع تويتر^^

الخطوه الثالثه : تسوين تقشير لليدين وراح اذكر اكثر من مقشر

سانت آيفز بخلاصة المشمش (اعتذر عن التصوير بالجوال **)

المقشر الثاني طبيعي 100% وهذا اللي اعتمدته ^^

تحتاجين لملح خشن + زيت زيتون وبسس

انا هنا حبيت استخدم ملح البحر الميت ومعرووفه فوائده يجننن واي وحده تروح للبحر الميت روحي لــ SPA وبس ولاتسبحي اححح مااالح** انا اشتريته من زهور الريف او بودي شوب مو متذكره ناسيه** وهاذي صورته^^

المقشر الثالث سكر مع ماء او مع زيت زيتون^^

وبعدين شويه صابون سائل وانا استخدمت لايف بوي وماء واغسلي يدك^^

 

 

الخطوة الرابعه : ترطيب اليدين مع التدليك(مساج)

طبعا انا استخدمت الفازلين وسويت مساج لهم ياعيني عالدلع ^^

وانتي لك الحريه بأي مرطب ^^

النتيجه راااااااااااائعه وانصح فيهااا 

ملاحظات مهمه :

لتغذيه الاظافر استخدمي فيتامين E ..

ماينفع احد يستخدم ادواتك وعقميها عند كل استخدام ^^

اللي تحط مناكير كثير انتبهي من مشكله الاصفرار لانك لما تحطين المناكير تمنعي الاوكسجين عن الظفر والعلاااج لمده 10 ايام لاتحطين مناكير ^^

في حاجه اسمها البيس كوت مناكير لونها شفاف تحطينها قبل المناكير تحمي لك الظفر من المناكير ^^

اللي تطلع لها بقع بيضا ع الظفر يعني تروح وتجي لما تطلع لك اعرفي ان عندك نقص بالفيتامينات المكمله وخصوصا الزنك..

نصائح مهمه: 

المبرد الافضل خشبي او حاجه ثانيه غير الحديد**

الاداه اللي اتزيحي فيها الجلد خذي المصنوعه من الخشب او البلاستيك لكن الحديد للناس المحترفه^^