السلام عليكم
كيفكم واخباركم؟؟
هالبوست كان من اختيار وطلب عزيزتي Moora @moora1431
هالايام اواجه ضغط نفسي بسبب الاختبارات الله يوفقني ويوفق خوياتي وهنوده وكل البنات...
وبسبب هالشي مو قادره افكر بشي ** فسألت البنات بتويتر والله يسعدهم ماقصروا معي..
أوعدكم بعد الاختبارات حاجات جميله ^^
طريقتي بالعنايه بالجسم ممرا بسيطه والاجمل اني مااصعب حياتي ولاحياة غيري فاراح تلاقون اكثر من كريم مرطب وممرا بسيطه والنتيجه واااااو^^
نبدأ بسم الله
طبعا بعد تنظيف الجسم والتقشير راح تجي خطوة الترطيب <<لازززم تقشير لجسمك حتى لو كان بسيط وبصراحه كنت مااسوي ولما احط الكريم تطلع بيدي بلاوي ×× اعتذر عن الصراحه لكن للاستفاده من تجربتي**
دائما لما اطلع من الشور اسوي ترطيب لجسمي مع مساج واحس انه افضل وانسب وقت <<في حاجه حسيتها مع كثر المساج ان جسمي اتنحت يعني اتحدد مدري اذا فهمتو قصدي**
- كريم بالشوفان من افون هديه من أمي واعجبني وانصحكم اي كريم فيه شوفان ممرا جميل ويرطب والحلو فيه الكميه ممرا كثيره 400 مل
- فازلين وغالبا استخدمه بس لليدين
- واجممل مرطب عندي ويجمع بين الترطيب والتفتيح وهو انك تخلطين بين كريم جليسوليد الاحمر و عصير الليمون وبس<<واستخدم معه شويه من زيت البيبي جونسون عشان يخفف من كثافه الكريم
- اخر حاجه اذا كنت ممرا كسلانه ومالي خلق للمساج استخدم جل زيتي من جونسون^^
اتركم مع الصور ولتكبيرها بس اضغطي عليها
كريم الشوفان
الفازلين والخلطه بالعلبه (كريم جليسوليد + ليمون)
اللي عاليمين زيت البيبي جونسون واليسار جل جونسون
وبس ^^
محافظتك على ترطيب بشرتك يمنحك بشره ناعمه...
اشوفكم في بوست جديد
بحفظ المولى^^
ليست هناك تعليقات:
إرسال تعليق